//- احذر ان يصيبك هذا الداء -\\

نص بديل هادي هيا

السلام عليكم تدوينة اصلها في حديث كان لي مع صديق كنت جالس في المقهى و احواره عن العباد فقال لي عن قلة ناس العقول في وقتنا الحاضر و تفشي الرذيلة اثرى الثقافة الغربية و غيرها فصرنا نميز الحمقى من معارفنا فحقا تستغرب لأفعالهم وصدق من قال : جاء في الصحيحي نقلا عن المسيحي عالجت كل اكمه و ابرص مشوه لكنني لم اطق قط علاج الأحمق … المهم صار لنى حوار شعري ان صح التعبير كان فحواه التالي :

قالي لي :

يا اخي خلاصوا ناس العقول اللي يفهموا القول يا جدك في هذي قاعدين أنا و السعيد واش نقولوا
انظر لغدر الزمان = و ما أعجب لعبه بالإنسان
ترى أهواء الناس = تميل وإلى ميل الشيطان
و منهم من رأى = وسط الظلم نورا كالتبيان
فلا ابتان منه و لا = بين له إلا فخاخ العديان

فقلت له :

عندك الحق حتى كي تحب تقول ما عندك ما تقول صار كل واحد فالبيبو معلول على هادي كنت قاعد انا واحد الإنسان قتلوا :

واش ادير باش تزين هاد الحال = تشوف ناس لعقول للهو مالو
ندفن قصدي فعماق االبال = ونرجى من ناس اللبيب يسالو
و لقب لغشيم بين ناس نشال = و اللي يفاجي ما يوزن قوالو
ماء الشرف فجداول لرذال سال = ولسونهم على لشياخ طوالو
يميزوا بين الناس بكم المال = لغاو الصنعة والعقل خفى هلالو
هاكدا حار المتحدث ادوى وقال = يسال على الزمان وجيلنا مالو؟

فقال لي متكلما بحصره :

حديثك قياس
نقدرو نقولو هذي البغال = نحملوا عليها كدار الزمان بهوالو
راهي تصبر فالصحرا الجمال = هكذاك نميلو معاهم كيما مالو
كي تتعلم قالو صعيب الحال = تولي تميز الجاهل وتنفرك فعالو
كي يتلاقاو بيناتهم الجهال = راه يفرح بنادم كي يتلاقى بمثالو

فقلت له واصفا الحمقى (غشيم) :

يعطيك الصحة يا شيخ على قولك نزيد نوصف فيه لغشام اللي ملو على هاديك انا نقول :
الغشيم ما يحس واش فيه من هوال = ولوكانوا كي مواج لبحر يطوالو
ما عندو هم في راسوا يرجى ينشال = ما عندوا سقم يدعي يبرالو
ننظرو يكر المشاكل بالحبال = مايحس هكداك ما يحسوا للهموم مثالو
يزهى فالشقى تقول نعيم بكمال = ما يسال على الهم و هوالو
نشوفو في جهلوا بايت و لازال = يتسلى في همومو والحال زهالو
مثيلوا ما درتو فحساباتي ما جال = و الغشيم منهم معلوم ما نصغالو

~ بواسطة AhiLALm في مايو 25, 2010.

3 تعليقات to “//- احذر ان يصيبك هذا الداء -\\”

  1. ندفن قصدي فعماق االبال = ونرجى من ناس اللبيب يسالو
    شاعر وماقلتليش🙂

  2. خسارة عليك خويا سنايبر تعرف خوك خشين من كل النواحي

  3. 🙂
    ود
    مر
    من
    هنا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

 
%d مدونون معجبون بهذه: